Thachair rudeigin ùidheil aig a' Cholaisde Ghàidhlig ann an Ceap Breatainn samhradh 'sa chaidh.

Mar a chanas an seanfhacal, " 'S iomadh rud a thig air laogh air nach do shaoil a mhàthair." Agus 's iomadh rud a tha tachair ann an Ceap Breatainn a thaobh na Gàidhlig na laithean air nach smaoineachadh daoine bho chionn fichead bliadhna.

'S e cleachdadh làidir a bh' aig na Gàidheil bho chian nan cian a bhith ag aithris sgeulachdan, seachadas a bha air dol á cleachdadh ann an Ceap Breatainn bho chionn greis. Nan rachadh duine do cheilidh, is cinnteach gun cluinneadh e ceòl na fìdhle, ceòl na clàrsaiche móire, agus a bu dòcha òrain agus innealan ciùil eile 'gan cluich, ach sgeulachdan...?